Качурка, В. «Першыя крокі рабіліся тут» / Васіль Качурка // Кобрынскі веснік. – 2013. – 20 ліпеня. – С. 4.

Віншаванне доктара сельскагаспадарчых навук, прафесара В. Качуркі (нар. у в. Стрыі Кобрынскага раёна) з Днём вызвалення г. Кобрына.

Васіль Качурка (нарадзіўся ў вёсцы Стрыі Кобрынскага раёна), доктар сельскагаспадарчых навук, прафесар, з 2004-га года па сённяшні час — рэктар Баранавіцкага дзяржаўнага ўніверсітэта:

«Першыя крокі рабіліся тут»

— ПАВАЖАНЫЯ ЗЕМЛЯКІ!

Шчыра віншую вас са святам — Днём вызвалення горада Кобрына!

Сталым чалавекам мне пашчасціла вярнуцца на зямлю берасцейскую, бліжэй да вёсачкі Стрыі, дзе нарадзіўся і вырас.

Падзяляю пачуцці паэта Басецкага, які пісаў:

“Першыя крокі рабіліся тут,

Песцілі сонца і неба,

Можа, ёсць лепшыя нівы і кут,

Толькі мне іншых не трэба…”.

Нягледзячы на пастаянныя клопаты і загружанасць працай (а ў рэктара няма ні адзінай свабоднай хвілінкі) стараюся выкройваць час, каб наведаць Кобрыншчыну. Прыемна чуць навіны пра добрыя перамены ў жыцці знаёмых і незнаёмых людзей. Радасна бачыць, як прыгажэе і мяняецца горад, растуць новабудоўлі, з’яўляюцца новыя прадпрыемствы і г.д.

Жадаю вам, дарагія землякі, поспехаў у працы на карысць Бёларусі, здароўя і дабрабыту кожнай сям’і.

Васіль КАЧУРКА