Алег Анатолевіч Стральчонак
| Алег Анатолевіч Стральчонак | |
| Дата нараджэння | 18 кастрычніка 1947 |
| Месца нараджэння | Кобрын, Кобрынскі раён,Брэсцкая вобласць, БССР,СССР |
| Дата смерці | 5 сакавіка 2010 (62 гады) |
| Грамадзянства | Беларусь |
| Месца працы | N.D. Zelinsky Institute of Organic Chemistry[d] Інстытут фізіка-арганічнай хіміі НАН Беларусі[d] Інстытут біяарганічнай хіміі НАН Беларусі[d] |
| Альма-матар | Беларускі дзяржаўны ўніверсітэт |
.svg){kind=link}
Алег Анатолевіч Стральчонак (18 кастрычніка 1947, Кобрын, Брэсцкая вобласць — 5 сакавіка 2010) — беларускі вучоны ў галіне біяарганічнай хіміі і біяхіміі гармонаў. Акадэмік НАН РБ (з 1994).
Змест
1Біяграфія
2Выбраныя навуковыя працы
3Зноскі
4Літаратура
Біяграфія
У 1970 годзе скончыў Беларускі дзяржуніверсітэт. З 1970 па 1973 гады праходзіў падрыхтоўку ў мэтавай аспірантурыІнстытута арганічнай хіміі імя Н. Д. Зялінскага АН СССР. У 1973 годзе быў накіраваны на працу ў аддзел біяарганічнай хіміі Інстытута фізіка-арганічнай хіміі АН БССР. Пасля пераўтварэння аддзела ў Інстытут біяарганічнай хіміі ў 1974 годзе Алег Анатолевіч працягнуў працу ў Інстытуце.
З 1988 г. па 2000 г. Стральчонак з’яўляўся дырэктарам Інстытута біяарганічнай хіміі. У 2000—2010 гг. працаваў у Швецыі, у фармацэўтычнай фірме «Oasmia».
Пад яго кіраўніцтвам 10 чалавек абаранілі кандыдацкія дысертацыі. Ім апублікавана каля 170 навуковых прац, у тым ліку каля 40 аўтарскіх пасведчанняў і патэнтаў на вынаходствы. Шматграннай і актыўнай была грамадская дзейнасць Стральчонка. Ён удзельнічаў у рабоце Камітэта па Дзяржаўных прэміях Рэспублікі Беларусь у галіне навукі і тэхнікі, Рэспубліканскага навуковага савета па праблемах прагназавання навукова-тэхнічнага прагрэсу пры камісіі Кабінета Міністраў РБ, уваходзіў у склад рэдкалегіі часопіса «Весці НАН Беларусі», серыя «Хімічныя навукі».
Выбраныя навуковыя працы
Роль стероидсвязывающих гликопротеинов крови человека в передаче гормонального сигнала в клетке // Физиологический журнал СССР им. И. М. Сеченова. 1990. Т.76, № 9.
Specific steroid-binding glycoproteins of human blood plasma: novel data on their structure and function // J. Steroid Biochem. 1990. Vol.35, № 5.
О ранее неизвестном свойстве нормального иммуноглобулина М человека — способности специфически связывать тиреоидные гормоны // Доклады АН Беларуси. 1992. Т.36. № 3-4.
Літаратура
Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мн.: БелЭн, 2002. — Т. 15. — 552 с.