БАРЫСЮК МІКАЛАЙ АНДРЭЕВІЧ
Барысюк Мікалай Андрэевіч — ганаровы грамадзянін горада Байканур (Расійская Федэрацыя).
Генерал-лейтэнант (1993), лаўрэат Дзяржаўнай прэміі Расійскай Федэрацыі ў галіне навукі і тэхнікі (1994) , сапраўдны член акадэміі касманаўтыкі імя К. Э. Цыялкоўскага, Ганаровы радыст СССР (1986), старшы навуковы супрацоўнік, заслужаны выпрабавальнік касмічнай тэхнікі (2000), кандыдат тэхнічных навук (1994), дацэнт.
Нарадзіўся 15 ліпеня1941 года ў в. Рэчыца Кобрынскага раёна Брэсцкай вобласці.
У 1962 годзе закончыў Ленінградскае ордэна Леніна Чырвонасцяжнае вучылішча імя М. В. Фрунзе.
Ва Узброеных Сілах СССР і Расійскай Федэрацыі з 1959 па 1997 год.
Афіцэрскую службу з 1962 па 1987 год праходзіў на Байкануры, дзе займаў практычна ўсе пасады — ад камандзіра ўзвода да намесніка начальніка касмадрома па ракетным ўзбраенні. Ён унёс значны ўклад у павышэнне абароназдольнасці краіны, прымаў удзел у правядзенні наземных і лётных выпрабаванняў вырабаў ракетна-касмічнай тэхнікі на касмадроме. Пад яго кіраўніцтвам былі адпрацаваны і прыняты на ўзбраенне ракетныя комплексы з міжкантынентальнымі балістычнымі ракетамі новага пакалення.
Завочна закончыў Ваенную інжынерную акадэмію імя Ф. Э. Дзяржынскага ў 1971 годзе.
Далейшая служба Мікалая Андрэевіча звязана з Галоўным навукова-даследчым цэнтрам касмічных сродкаў Мінабароны. У 1987 годзе ён намеснік начальніка 53 Галоўнага цэнтра па кіраванні арбітальнымі групоўкамі касмічных апаратаў, кіруе работай дзяржаўных камісій па лётных выпрабаваннях перспектыўных ракетна-касмічных комплексаў. З 1991 года — намеснік начальніка касмічных сродкаў МА па эксплуатацыі касмічных сродкаў, а з 1993 па 1997 год — першы намеснік камандуючага Ваенна-касмічнымі сіламі. М. А. Барысюк удзельнічаў у падрыхтоўцы і правядзенні выпрабаванняў ракетна-касмічнага комплексу «Энэргія-Буран».
У 1989 годзе закончыў Вышэйшыя акадэмічныя курсы пры Акадэміі ГШ УС СССР імя К. Я. Варашылава.
Барысюк М. А. — кіраўнік даследаванняў па многіх навукова-даследчых работах, непасрэдны ўдзельнік больш за 100 баявых запускаў, аўтар 40 навуковых друкаваных прац. Ён актыўна прапагандуе дасягненні айчыннай касманаўтыкі, займаецца сацыяльна-прававой работай, навукова-гістарычнай і інфармацыйнай дзейнасцю.
У 1997 г. звольнены ў запас па дасягненні гранічнага ўзросту знаходжання на ваеннай службе. Знаходзячыся на заслужаным адпачынку, генерал Барысюк працягвае актыўную грамадскую працу па выхаванні маладога пакалення абаронцаў Радзімы, прымае ўдзел у ветэранскім руху, з’яўляецца старшынёй міжрэгіянальнай грамадскай арганізацыі «Ветэраны касмадрома «Байканур».
Узнагароджаны ордэнамі Чырвонай Зоркі, «Знак Пашаны», «За службу Радзіме ва Узброеных Сілах СССР» III ступені, медалямі СССР, РФ і Федэрацыі касманаўтыкі Расіі.
У 2004 годзе Мікалай Андрэевіч Барысюк удастоены звання «Ганаровы грамадзянін горада Байканур».
Борисюк, Н. А. Мы в Байконур вросли сердцами / Н. А. Борисюк, А. Я. Науджюнас // Красная звезда. – 2014. – 19 февраля.
50 лет 4 испытательному управлению космодрома Байконур (1962-2012) : буклет. – Байконур, 2012. – 6 с.
Нечёса, Я. Сила Байконура / Ярослав Нечёса, Игорь Подгурский // Красная звезда. – 2006. – 26 декабря.
Председатель центрального совета ветеранов Байконура — генерал-лейтенант Николай Борисюк.
Почтарев, А. Пионеры космических стартов / Андрей Почтарев // Красная звезда. – 2004. – 10 апреля.
Достойным правопреемником, председателем ветеранского движения Байконура, является генерал-лейтенант в отставке Николай Борисюк.
Куринной, И. В строю ветеранов — гордость страны / Игорь Куринной // Красная звезда. – 2004. – 2 октября.
Председателем совета ветеранской организации Байконура является один из старейших и уважаемых байконуровцев лауреат Государственной премии генерал-лейтенант в отставке Н. А. Борисюк.
Борисюк Николай Андреевич [Электронный ресурс] // Центр военно-политических исследований. – Режим доступа: http: http://eurasian-defence.ru/?q=node/. – Дата доступа: 31.10. 2018.
Борисюк Николай Андреевич [Электронный ресурс] // Командно-измерительный комплекс (КИК). – Режим доступа: http://kik-sssr.ru/00.5.5_ Deputy_commander.htm. – Дата доступа: 09.11.2018.
В Космических войсках прошел торжественный прием Военного совета по случаю 70-летнего юбилея заслуженного ветерана [Электронный ресурс] // Министерство обороны Российской Федерации. – Режим доступа: http://mil.ru/et/news/more.htm?_print=true&id=10653081@egNews. – Дата доступа: 08.11.2018.
День космонавтики [Электронный ресурс] // Акционерное общество «Радиотехнический институт имени академика А. Л. Минца». – Режим доступа: http://www.rti-mints.ru/novosti/den-kosmonvtiki-2013/. – Дата доступа: 08.11.2018.
Беседа с Председателем межрегиональной организации ветеранов космодрома «Байконур», помощником генерального директора ОАО «Научно-производственная корпорация «РЕКОД» Н. А. Борисюком.
Почетные граждане города. Борисюк Николай Андреевич [Электронный ресурс] // Официальный сайт администрации города Байконур. – Режим доступа: http://www.baikonuradm.ru/index.php?mod=180. – Дата доступа: 08.11.2018.
Состоялась встреча с ветеранами космодрома Байконур и аспирантами, студентами и кадетами московских учебных заведений [Электронный ресурс] // Российский Союз ветеранов. – Режим доступа: http://soyuzveteranov.ru/ content/. – Дата доступа: 09.11.2018.
Храмцов, А. Майор Борисюк Н. А. / А. Храмцов [Электронный ресурс] // Одноклассники. Байконур пл.95 вч 44108 : группа. – Режим доступа: https://ok.ru/group/51172326178971/topic/62205176051099. – Дата доступа: 08.11. 2018.
15 августа — 75 лет генерал-лейтенанту Борисюку Николаю Андреевичу [Электронный ресурс] // Труженики космоса. Союз ветеранов Космических войск. – Режим доступа: http://cosmosinter.ru/data/ about_data/detail.php?ID=3197. – Дата доступа: 08.11.2018.