Біяграфічны нарыс
Пасвянчук Іван Аляксандравіч — вынаходнік, доктар філасофіі ў галіне інфармацыйных тэхналогій (машынабудаванне).
Іван Аляксандравіч Пасвянчук нарадзіўся 13 красавіка 1947 года ў вёсцы Лука Кобрынскага раёна Брэсцкай вобласці. Бацькі, Аляксандр Савіч і Надзея Фёдараўна, працавалі ў калгасе. Вучыўся Іван у Лукскай пачатковай школе, потым у Шамятоўскай васьмігадовай школе. Сярэднюю адукацыю атрымаў у школе працоўнай моладзі ў г. Кобрыне. Працаваў на прадпрыемствах Кобрына і раёна фрэзероўшчыкам, шафёрам.
У 1974 годзе закончыў Беларускі інстытут механізацыі сельскай гаспадаркі (цяпер Беларускі дзяржаўны аграрны тэхнічны ўніверсітэт).
Універсітэтамі Івана Пасвенчука стала праца загадчыкам рамонтнымі майстэрнямі ў саўгасе «Дружба» Кобрынскага раёна, галоўным інжынерам калгаса імя Кутузава і калгаса «За мір» Кобрынскага раёна. За час працы ў гэтых гаспадарках ён паказаў сябе як вынаходнік і рацыяналізатар. Пад кіраўніцвам І. А. Пасвенчука былі праведзены рэспубліканскія семінары па вывучэнні вопыту ў гэтых гаспадарках: па арганізацыі тэхабслугоўвання сельскагаспадарчай тэхнікі, машына-трактарнага парка, вытворчасці новых машын на базе сельгастэхнікі, якая была спісана.
Потым была праца ў інстытуце «Брэстсельгасбудпраект» інжынерам-тэхнолагам, выконваючым абавязкі дырэктара па камплектацыі аб’ектаў будаўніцтва, галоўным спецыялістам. Пазней Іван Александравіч працаваў дырэктарам ТАА «Саюз» у Кобрынскім раёне.
З 2001 па 2007 год — дырэктар ААТ «Двигатель» у г. Брэсце. Адначасова па сумяшчальніцтве з’яўляўся дырэктарам ПУП «Спецматор». З 2007 года на пенсіі.
Вынаходніцкай дзейнасцю Іван Пасвянчук займаўся са студэнцкіх гадоў. За аснову свайго вынаходства ён узяў магчымасць утварэння цягі на прынцыпах, якія адрозніваюцца ад рэактыўных. У 1976 годзе Іван Аляксандравіч падаў заяўку на вынаходства, але яму было адмоўлена. Вучоны савет палічыў, што ні адзін рухавік не можа працаваць, калі яго прылада супярэчыць рэактыўным законам механікі. Аднак у 2003 годзе мадэль была зроблена і паспяхова запрацавала. І толькі пасля гэтага з’яўленне ўнікальнага «Движителя» было зарэгістравана Камітэтам Расійскай Федэрацыі па патэнтах і таварных знаках, Дзяржаўным патэнтным камітэтам і Нацыянальным цэнтрам інтэлектуальнай уласнасці Рэспублікі Беларусь, а таксама Еўразійскай патэнтнай арганізацыяй. Вынаходства адносіцца да вобласці энэргетычных установак, у прыватнасці, да рухавікоў, якія пераўтвараюць круцільны паток газу ў цягавае намаганне, і можа быць выкарыстана ў многіх галінах народнай гаспадаркі.
І. А. Пасвянчук, правёўшы ўласныя даследаванні, распрацаваў «Двигатель» і «Движитель», праца якіх заснавана на нерэактыўных прынцыпах. У выніку ўпартай шматгадовай працы вынаходніка атрыманы эфект, заснаваны на віхравых струменях. Акрамя таго, у якасці прывада «Движителя» можа выступаць любы тып рухавіка. Гэта і ёсць не што іншае, як прарыўная тэхналогія, пра што сведчаць выдадзеныя на яе шматлікія аўтарытэтныя патэнты.
Пасля аналізу праведзеных даследаванняў унесены змены ў закон механікі, аспрэчана сцвярджэнне аб нязменнасці колькасці руху, складзена новае ўраўненне, якое растлумачвае, што колькасць руху, энергія і праца здольныя пераходзіць з аднаго стану ў іншыя. Незвычайны прыбор пад назвай рухавік, абаронены патэнтамі Расійскай Федэрацыі, Рэспублікі Беларусь і Еўразійскай патэнтнай арганізацыяй, здольны зрабіць фурор у галіне беларускага машынабудавання і авіяцыі.
І. А. Пасвянчук прымаў удзел у выставах «Аўтатэхэкспа-2006» і «Ататэхэкспа-2010».
Міжнародная Акадэмія Інфармацыйных Тэхналогій у 2014 годзе ўзнагародзіла Пасвенчука Івана Аляксандравіча медалём М. С. Высоцкага (Высоцкі М. С. — савецкі і беларускі вучоны, Акадэмік Нацыянальнай акадэміі навук Беларусі, Герой Беларусі, стварыў беларускую школу канструявання і даследавання грузавых аўтамабіляў).
Па сукупнасці вынаходак, абароненых патэнтамі Расійскай Федэрацыі, Рэспублікі Беларусь і Еўразійскай патэнтнай арганізацыі, І. А. Пасвенчуку ў 2015 годзе была прысвоена вучоная ступень доктара філасофіі ў галіне інфармацыйных тэхналогій (машынабудаванне).
У перспектыўных планах Івана Аляксандравіча – укараненне «Движителя» на мотадэльтапланах, глісерах, у аўтатрактарнай тэхніцы.
Галоўны рэдактар газеты «Export&ImportNews», доктар філасофіі, член-карэспандэнт МАІТ Р. Н. Шаўко прысвяціў Івану Пасвенчуку верш «Звезда Посвенчука»: «Посвенчук доказал оппонентам / Всех расчетов своих высоту / Труд его увенчали патенты, / Подтвердили его правоту. / …Ясно всем – в науке появилась / Кометой яркою звезда Посвенчука».
Посвенчук Іван Іванович [Электронный ресурс] // База патентов Беларуси. – Режим доступа: http://bypatents.com/patents/posvenchuk. – Дата доступа: 4.09.2017.
Автобиография /составлена И. А. Посвенчуком. – Брест, 2005. – 3 с.
Посвенчук, И. А. Силы нереактивного происхождения / И. А. Посвенчук // Проблемы создания информационных технологий : сборник научных трудов / МНОО «Международная академия информационных технологий». – Москва, 2014. – Вып. 25. — С. 125–128.
Пасвянчук Іван Аляксандравіч // Людзі навукі нашага краю :біябібліяграфічны даведнік / Кобрынская раённая цэнтралізаваная бібліятэчная сістэма, цэнтральная раённая бібліятэка, аддзел абслугоўвання і інфармацыі ; склад.: гал. бібліёграф С. Д. Курачук ; дызайн вокладкі: інжынер П. С. Грыневіч. – 2-е выд., дапрац. і дап. – Кобрын, 2020. – С. 116-117 : фат. – (Серыя «Імёны на карце Кобрыншчыны»).
75 гадоў з дня нараджэння І. А. Пасвенчука (1947) //Зводны Каляндар дат і падзей Кобрыншчыны : краязнаўча-бібліяграфічны каляндар на 2021-2025 гг. / Кобрынская раённая цэнтралізаваная бібліятэчная сістэма, цэнтральная раённая бібліятэка, аддзел абслугоўвання і інфармацыі ; склад.: С. Д. Курачук, Л. С. Дардзюк. – Кобрын, 2020. – С. 55-56.
«В Беларуси немало талантов…» : [стихотворение] // Кобрин-информ. — 2017. — 13 апреля. – С. 24.
Стихотворение посвящено юбиляру-изобретателю, доктору философии в области информационных технологий (машиностроение) И. А. Посвенчуку.
Посвенчук, И. «Мои «двигатель» и «движитель» можно будет эксплуатировать в воздушном, водном, безвоздушном пространстве, а также в смешанном режиме без внесения существенных изменений в их конструкцию» / Иван Посвенчук // Международная деловая газета. – 2015. — № 11-12. – С. 4.
Иван Посвенчук, изобретатель, доктор философии, профессор ПАКТ, награждён памятной медалью Героя Беларуси, академика К. С. Высоцкого.
Савчук, М. Необычный прибор – движитель / Маргарита Савчук // Кобрин- информ. – 2014. – 23 января – С. 7.
Ученая степень доктора философии в области информационных технологий в области машиностроения присвоена уроженцу д. Луки И. А. Посвенчуку.
Против правил работает Движитель из Бреста // 5-е колесо. – 2006. — № 6. – (Приложение).
Необычный прибор под названием Движитель изобретателя Ивана Посвенчука, уроженца д. Луки, способен произвести фурор в области белорусского машиностроения.