Біяграфічны нарыс
СТРОК Яўгеній Якаўлевіч (1947-2021) — кандыдат тэхнічных навук, дацэнт. Нарадзіўся 30 чэрвеня 1947 года. Закончыў з залатым медалём СШ № 1 г. Кобрына. Культ ведаў заўсёды панаваў у сям’і Яўгенія, і менавіта бацькі, Марыя Сцяпанаўна і Якаў Сямёнавіч, зарыентавалі свайго сына на машынабудаванне, бо яшчэ ў 1970-я гады разумелі, што за гэтай сферай будучыня.
Шлях у навуку Яўгенія Строка пачаўся ў 1965 годзе, калі ён стаў студэнтам Беларускага політэхнічнага інстытута. Атрымаўшы ў 1970 годзе дыплом інжынера-механіка па спецыяльнасці «Тэхналогія машынабудавання», Я. Строк звязаў сваё жыццё з навукай і тэхнікай.
У 1980 годзе Яўгеній Якаўлевіч абараніў кандыдацкую дысертацыю «Разработка и исследование средств автоматического регулирования положения навесных орудий колесных тракторов». Атрымаўшы навуковую ступень, усур’ёз заняўся распрацоўкай праекта па ўкараненні ў беларускую прамысловасць аўтаэлектронікі і гідраўлікі айчыннай вытворчасці.
Працаваў загадчыкам лабараторыі электра-гідраўлічных сістэм кіравання Аб’яднанага інстытута машынабудавання НАН Беларусі.